Æææ en okkur er skítsama

Alveg nákvæmlega skítsama um örlög þessa fyrirtækis á sama hátt og eigendum Lýsingar var skítsama um örlög þeirra sem ekki gátu staðið í skilum.

Ekki hefur verið slakað á innheimtuaðgerðum og síðan hafa þeir rukkað ótæpilega fyrir allar breytingar á samningum.

Nei ég hef ekki minnstu samúð með þeim. 

Dómurinn kemur Lýsingu illa

Athugasemdir

[Karma (IP-tala skráð) 18.6.2010 kl. 08:58]

Sammála!

Eina ástæðan að vona að þeir fari ekki á hausinn er sú að kröfur um ofrukkuð gjöld brenni ekki inni.

[G.Kristjánsson (IP-tala skráð) 18.6.2010 kl. 09:10]

Svona er lífið fallvalt, hrægammarnir verða líka étnir einhvern daginn! Nú finna þeir fyrir því á eigin holdi hvernig það er að eiga sitt undir öðrum. Verði þeim að góðu.

Er einhver sem vorkennir þeim?

Ekki ég..!

[Steinn Hrútur, 18.6.2010 kl. 09:23]

Menn eiga að taka Obama til fyrirmyndar í a.m.k. aðgerðum gegn BP. Fyrirtæki sem valda gríðalegu tjóni vegna græðgi eiga að bæta skaðann eins og hægt er. Þetta fyrirtæki er búið að vera samfélagslegur sóði á Íslandi árum saman ... það á að sekta fyrir skaðanum! Og mér er svosem sama þó bara beinagrind þess verði eftir!      Hrægammur Jónsson fær fálkaorðuna:

http://steinn33.blog.is/blog/steinn33/entry/1068438/

[Jón Flón (IP-tala skráð) 18.6.2010 kl. 09:31]

Algjörlega, enda siðlausir einstaklingar á bak við þessi fyrirtæki. Nú hefur Hæstiréttur staðfest þetta siðleysi og staðfest að fyrirtækin stunduðu ólöglega og glæpsamlega starfsemi.

Ég persónulega vona að upp úr þessu komi kærumál frá þeim sem t.d. misstu rekstur sinn úr höndunum vegna þess hve harkalega fyrirtækin gengu að þeim. Ég vona einnig að kærumálin verði persónuleg gagnvart stjórnendum fyrirtækjanna. Megi þeir upplifa nákvæmlega það sama og öll fórnarlömb þeirra.

Auga fyrir auga.

[A.L.F, 18.6.2010 kl. 10:49]

Elskurnar mínar, starfsfólk lýsingu var bara að vinna sína vinnu. Ég tengist engum í lýsingu en það er samt sárt að lesa orð ykkar. Þetta fólk var bara að vinna vinnu sína svo það misssti hana ekki  á þessum síðustu og verstu tímum.

Annað mál er um eigendur lýsingar sem hugsuðu bara um gróðann.

[Sigurður Sigurðsson, 18.6.2010 kl. 11:14]

A.L.F hárrétt hjá þér og ég breyti þessu í eigendur.

[Púkinn, 18.6.2010 kl. 19:08]

Sumir eru nú svolítið harðorðir - það var enginn neyddur til að taka gengisbundin lán - og það voru margir sem vöruðu við þessum lánum þar sem krónan væri allt, allt of sterk og aðeins spurning um tíma hvenær hún félli.

Engu að síður kaus fólk að taka þessi lán - og fór síðan að kvarta þegar hið fyrirsjáanlega gerðist.

Ef krónan hefði haldist sterk myndi enginn skammast út í lánin, heldur væri fyrirtækjunum þakkað vyrir að aðstoða Íslendum aðgang að ódýri lánsfé.

[Sigurður Sigurðsson, 19.6.2010 kl. 00:06]

Nei það var engin neyddur til þess en margir voru leiddir á þessa braut. Eru það ekki fullkomlega eðlileg viðbrögð að reyna að bjarga sér þegar allt er að hrynja. 

Ég er einnig viss um að staða SP, Lýsingar, Avant ofl. fyrirtækja í þessum geira væri allt önnur gagnvart neytendum ef þeir hefðu sýnt viðskiptavinum sínum virðingu og þolinmæði. Ekki vaðið yfir fólk á skítugum skónum með fáránlegum skilmálum og uppgjörskröfum.