Smá hugleiðing

Ef við værum ekki með norræna velferðarstjórn hvar værum við stödd. Landsmenn eru flestir á þeirri skoðun að þetta sé ekki ríkisstjórn fyrir almenning heldur fyrir banka og fjármálafyrirtæki og hafa örugglega rétt fyrir sér.

En hvað er annað í spilunum. Mætti ekki gera því skóna að þó að við værum með helbláa íhaldsstjórn þá sæti almenningur í sömu súpunni og aðalpúðrið færi í að hlaða undir fjármagnseigendur á sama hátt og núverandi ríkisstjórn er að gera. 

Niðurstaðan er sú að Alþingismenn og konur hafa ekki minnsta áhuga á kjörum almennings milli kosninga og það virðist vera nákvæmlega sama hvar í flokki þeir standa. Það einna helst þingmenn hreyfingarinnar sem hafa áhuga á kjörum almennings en hversu lengi kemur það til með að standa.

Allt þetta blaður um skjaldborg um heimili landsmanna er ódýr kosningabrella sem löngu er ljóst að aldrei stóð til að standa við.