Bara þetta orð gerir mig hryggan.

Icesave er myllusteinn um háls þjóðarinnar sem mun sökkva henni ef farið verður að tillögum norrænu velferðarstjórnarinnar.

Aldrei hafa jafn fáir einstaklingar komið jafn mörgum í vond mál. Er engin von til þess að þetta fólk sem kokkaði þessa reikninga upp verði látið svara fyrir málið. Eigum við að sitja uppi með sama liðið og strandaði þjóðarskútunni á eftirminnilegan hátt fyrir hartnær tveimur árum í fínum stöðum inn í bankakerfinu. 

Ætlar sérstakur ekki að taka á þessu liði í Landsbankanum. Er hægt að komast upp með að skuldsetja heila þjóð út yfir gröf og dauða átölulaust. 

Ég á ekki von á öðru en hluti icesave ruglsins lendi í okkur skattborgurum sennilega ca eins og tekjur ríkissjóðs í eitt ár. En til þess að ég borgi með óbragð í munni þá vil ég sjá einhverja hausa rúlla. Það verður að draga hlutaðeigandi til ábyrgðar. 

Teknir við af Icesave

Er ESB umsóknin að deyja drottni sínum

Það sér það hver sem vill að stuðningur er í algjöru lágmarki. Þjóðin hefur ekki nokkurn minnsta áhuga á þessu ferli meðan fréttir berast af samtvinningu Icesave við samningaferlið.

Ég tel reyndar að okkur væri betur borgið innan sambandsins en utan. Ekki nein sérstök ástæða önnur en sú að kannski væri hægt að koma böndum á handónýta stjórnsýslu. 

Hugsanlega hægt að fá almennilegan gjaldmiðil í framtíðinni. Þá væri ekki hægt að rýra kjör almennings með gengisfikti og handónýtri hagstjórn sem við höfum þurft að búa við í boði fjórflokksins. 

Ummæli Össurar koma á óvart

Hefur Össur ekki verið heima nýlega??

Það er einhver ókyrrð í lofti og Össur hefur skynjað einhverja sveiflu í átt til ESB. Sennilega hefur verið truflun á línunni og skilaboðin ruglast á leiðinni. Langlínusambandið er ekki í lagi og hann hefur verið að hlusta á gamla upptöku af því besta úr ræðum ISG áður en hún snérist í öndverða átt. 

Aukin stuðningur "yes sure" mér finnst nú reyndar það sé minni stuðningur við aðild að ESB en hvað veit ég. Á ekki brot af því besta frá ISG. 

Össur er ekki sérstaklega vel áttaður þessa dagana en það auðvitað ekki skrýtið miðað við allan flækingin á honum undanfarið. 

Skynjar ekki aukinn stuðning

Össur er vissulega bullukollur

En að taka viðtal við annan enn meiri bullukoll um bullukoll er að bera í bakkafullan lækinn.

Styrkja Siggi hvað ert þú að gera á Alþingi?

2007 er liðið mannstu. 

Össur að tala til Brussel

Hver er afstaða VG eiginlega

VG er á móti en samt ekki því þau samþykktu aðildarviðræður. Hvernig á maður að skilja þetta.

Ég ætla ekki einu sinni að reyna að skilja hvað er í gangi þarna. 

Auðvitað geta rúmast margar skoðanir í sama flokknum en gæti einhver rifjað upp flokkssamþykktir, þær hljóta að vera til. 

Eru flokkssamþykktir ekki það sem gera má ráð þingflokkurinn fari eftir í sínu starfi. Eða er það bara þannig að samviska þingmanna eigi að ráða. 

Til hvers er þá fólk að ganga einhverju stjórnmálaafli á hönd ef það er ekki sannfært um stefnumál viðkomandi flokks. 

Ég nenni ekki einu sinni að ræða samþykkt síðasta landsfunds Sjalla. Sorgleg einangrunarniðurstaða í boði LÍÚ sem getur ekki einu sinni notað íslenskar krónur í sínum uppgjörum. 

Afstaða VG til ESB óbreytt

Er maðurinn ekki að grínast.

Var ekki þessi gjörningur gerður á hans vakt.

Er þetta ekki frekar ótrúverðugt, fyrst seljum við fyrirtækið vegna þess að OR mátti ekki eiga það. Samkeppnislög banna það.

Síðan kemur kanadamaður sem vill kaupa en má ekki vegna þess að hann er ekki íbúi á Evrópska efnahagssvæðinu. Kata Júl og félagar leiðbeina þeim í skúffu í svíþjóð og allt í gúddí.

Núna vaknar þingflokkur VG af þyrnirósarblundinum og vill rifta samningi sem þau hafa ekki einu sinni neitt forræði yfir. Það er bara ekki í lagi með þetta lið. 

Bíðið nú aðeins við,  hvar voru VG eiginlega allan þennan tíma. Þetta minnir óþægilega á söguna um apana þrjá. 

Ég er ekki að segja að það sé í lagi að selja nýtingarrétt á orkuauðlindunum en halló þetta gerðist fyrir framan nefið á þeim. 

Rifti samningum við Magma

Skiljanlega skila þeir boðtækjum

Ég skil verkfallsmenn fullkomlega . Búið draga þá á asnaeyrunum í heilt ár af einhverjum embættismannalabbakútum. Ekki neinn samningsvilji hjá sveitarfélögunum.

Neita að taka aftur við boðtækjunum

Nýr banki.

Ef stofnaður verður nýr banki eins og Ingólfur hjá Sparnaði er að vinna að þá verð ég fyrstur manna að flytja öll mín viðskipti þangað.

Mér hugnast ekki að vera í viðskiptum við stóran sparibauk eins og Aríon banka. Banka sem hefur ekki minnsta áhuga á því að koma að uppbyggingu atvinnulífs á íslandi. Aríon banki þar sem eignarhaldið er óljóst og hefur ekki neina skýra stefnu til framtíðar aðra en þá að svíða landsmenn til að geta greitt einhverjum óskilgreindum kröfuhöfum. 

Sama gildir með Íslandsbanka þar sem kúlulánadrottningin sem týndi láninu ræður ríkjum. Öll vinnubrögð þeirra lykta af spillingu og græðgi. 

Landsbankinn, ég get varla skrifað þetta nafn mér verður svo bumbult. 

Ef stofnaður verður nýr banki þá eigum við að fylkja okkur um hann og gefa gömlu glæpabönkunum frí. 

Algert kjaftæði

Þessi lán eru í grunninn öll eins.

Þarna er verið að búa sér til ástæðu til að setja lög. Norræna velferðarstjórnin er skítthrædd um að brestir séu að koma í skjaldborgina um fjármálafyrirtækin. 

Það vantar byltingu. Það verður að koma þessari handónýtu ríkisstjórn frá. Ef hún fer ekki með góðu þá er bara að fjarlæga þau með valdi. 

Það þarf líka að hreinsa út úr þessu gerspillta fjármálakerfi. 

Heykvíslar gott fólk heykvíslar er málið. 

Jóhanna og Steingrímur eru ekki að átta sig á því að almenningur treystir þeim ekki og vill þau í burt. 

70 % þjóðarinnar lítur svo á að þau vinni fyrir banka og fjármagnseigendur frekar en fólkið í landinu. Ég er sammála þessum 70% landsmanna. 

 

 

 

Gengislánin „frumskógur“

Að vera eða ekki vera.

Sjálfstæðisflokkurinn er ekki neitt sérstaklega trúverður í ESB málinu. Við erum á leið í aðildarviðræður og stærsta stjórnmálaafl landsins situr úti í horni í fýlu.

Ég er þeirrar skoðunar að sjálfstæðisflokkurinn eigi að eiga fulltrúa í samninganefndinni en með því að fara í þjóðernisfýlu þá er málar forysta flokksins sig út í horn.

Það er vitað mál að samfylkingunni er ekki treystandi fyrir þessum viðræðum sökum þess að þau eru alltof viljug að ganga inn. Það er ávísun á klúður í samningum og gæti endað eins og hjá rauðvínsmarineraða sendiherranum. Þau hreinlega nenni ekki þessu karpi og skrifi undir eitthvert rugl. 

Það viljum við alls ekki að gerist. En ég er þeirrar skoðunar að það sé nauðsynlegt að taka slaginn og kanna hversu langt er hægt að komast með skrýmslið. Ef samningurinn verður handónýtur þá hafnar þjóðin honum. 

Annars held ég að það verði nánast sama hversu góður eða slæmur samningurinn verður þjóðin mun ekki samþykkja aðild. Sérstaklega ef Icesave verður blandað þarna inn. 

Við höfum fengið nóg af misvitrum pólitíkusum og handónýtum embættismönnum. 

Össur er sannarlega í þessum flokki. 

 

Aukinn stuðningur við aðild